اچھرہ گولڈ مارکیٹ سے بیس کلو سونا لے کر فرار ہونے والے ملزم شیخ وسیم اختر کی گرفتاری کے بعد ایک اور بڑے فراڈ کیس میں اہم پیش رفت

گرفتاری کی خبر

لاہور / کراچی (زین بابو) اچھرہ گولڈ مارکیٹ سے بیس کلو سونا لے کر فرار ہونے والے ملزم شیخ وسیم اختر کی گرفتاری کے بعد ایک اور بڑے فراڈ کیس میں اہم پیش رفت سامنے آ گئی ہے۔ لاہور کی ہال روڈ سولر مارکیٹ سے سترہ کروڑ روپے کا فراڈ کرنے والا ملزم صغیر کراچی سے گرفتار کر لیا گیا ہے۔

یہ بھی پڑھیں: ہمایوں سعید نے اپنی نئی فلم “لو گرو” کی ٹکٹیں سستی کرنے کا اعلان کر دیا، نئی قیمت کیا ہوگی ؟ جانئے

گرفتاری کی تفصیلات

ذرائع کے مطابق کراچی کی سولر مارکیٹ کے تاجروں نے اپنی مدد آپ کے تحت ملزم صغیر کو حراست میں لیا، بعد ازاں لاہور کے تاجروں کو اطلاع دی اور پھر ملزم کو پولیس کے حوالے کر دیا گیا۔ تاہم تاحال ملزم کو لاہور منتقل نہیں کیا جا سکا۔

یہ بھی پڑھیں: ایران نے خود سے بڑے دشمن کا مقابلہ کیا، جنگ بندی ثبوت ہے فتح ایرانی عوام کے حوصلے کو ملی،خواجہ آصف

پولیس کی کارروائی

ذرائع کا کہنا ہے کہ لاہور پولیس اس وقت اپروول کی منتظر ہے، جیسے ہی اجازت موصول ہوگی ملزم صغیر کو لاہور منتقل کر دیا جائے گا، جبکہ فراڈ کی گئی سترہ کروڑ روپے کی رقم کی ریکوری کا عمل بھی شروع کیا جائے گا۔

ملزمان کی شناخت چھپانے کی کوشش

مزید انکشاف ہوا ہے کہ دونوں ملزمان نے گرفتاری سے بچنے کے لیے اپنا حلیہ تبدیل کر رکھا تھا۔ شیخ وسیم اختر نے فراڈ کے بعد داڑھی بڑھا لی تھی، جبکہ ہال روڈ سے سترہ کروڑ روپے کا فراڈ کرنے والے ملزم صغیر نے کلین شیو کروا رکھی تھی تاکہ شناخت چھپائی جا سکے۔