شکار پور، ڈاکوئوں کی فائرنگ سے ایس ایچ او شہید

شکارپور میں ڈاکوؤں کی فائرنگ

شکارپور (آئی این پی) میں ڈاکوؤں کی فائرنگ سے ایس ایچ او لکی غلام شاہ خمیسو بروہی شہید ہوگئے۔

یہ بھی پڑھیں: پنجاب میں حالیہ سیلاب سے کتنا زرعی رقبہ متاثر ہوا اور کتنا معاشی نقصان ہوا ۔۔؟ رپورٹ میں تہلکہ خیز انکشاف

واقعے کی تفصیلات

پولیس حکام کے مطابق سکھر روڈ قومی شاہراہ پر 7 سے زائد ڈاکو بسوں کو روک کر مسافروں سے لوٹ مار کر رہے تھے۔ اطلاع ملنے پر پولیس فوراً موقع پر پہنچ گئی، مگر ڈاکوؤں نے دیکھتے ہی پولیس اہلکاروں پر اندھا دھند فائرنگ شروع کر دی۔

یہ بھی پڑھیں: اصل میں اختیار کس کا ہے۔۔۔

ایس ایچ او کی حالت

پولیس حکام کے مطابق ڈاکوؤں کی فائرنگ سے ایس ایچ او لکی خمیسو بروہی شدید زخمی ہوگئے۔ زخمی ایس ایچ او کو تشویشناک حالت میں سکھر کے نجی ہسپتال منتقل کیا گیا، جہاں وہ زخموں کی تاب نہ لاتے ہوئے شہید ہوگئے۔

ڈاکوؤں کی فرار

پولیس حکام کا مزید کہنا ہے کہ ڈاکو موقع سے فرار ہونے میں کامیاب ہوگئے۔ انہیں پکڑنے کے لیے ٹیمیں تشکیل دے دی گئی ہیں، جنہیں جلد حراست میں لے لیا جائے گا۔