خیبر پختونخوا میں سیکیورٹی فورسز کی 2 کاروائیاں، 3 خوارج ہلاک، 3 زخمی

سیکیورٹی فورسز کی کارروائیاں

خیبر (ڈیلی پاکستان آن لائن) سیکیورٹی فورسز نے خیبر پختونخوا میں 21 اور 22 نومبر کو 2 کارروائیاں کرتے ہوئے 3 خوارج کو ہلاک کردیا۔

یہ بھی پڑھیں: سپریم کورٹ آئینی بنچ نے کوئٹہ میں بچے کے اغوا کا نوٹس لے لیا

باہمی کاروائیاں

پاک فوج کے شعبہ تعلقات عامہ آئی ایس پی آر کے مطابق سیکیورٹی فورسز نے خیبر کے علاقے باڑہ میں خفیہ اطلاعات پر آپریشن کیا جہاں دوران کارروائی خوارجی حق یار آفریدی اور گلاجان کو ہلاک کیا گیا۔

یہ بھی پڑھیں: اسلام آباد میں دفعہ 144 نافذ، خلاف ورزی کرنیوالوں کیخلاف آپریشن ہو گا: محسن نقوی

جنوبی وزیرستان میں کاوشیں

آئی ایس پی آر کے مطابق جنوبی وزیرستان میں پاک افغان سرحد پر خوارج کے گروہ کی نقل و حرکت دیکھی گئی، خوارج کا گروہ پاک افغان سرحد سے دراندازی کی کوشش کر رہا تھا، سیکیورٹی فورسز نے مؤثر طریقے سے دراندازی کی کوشش کو ناکام بنایا۔ سیکیورٹی فورسز کی کارروائی میں ایک خوارجی ہلاک جبکہ 3 زخمی ہوئے۔

یہ بھی پڑھیں: عالیہ بھٹ کی بہن شاہین نے فٹنس کوچ کے ساتھ اپنے رشتے کی تصدیق کردی

افغان حکومت سے توقعات

آئی ایس پی آر کا کہنا ہے کہ پاکستان مستقل طور پر افغان حکومت سے مؤثر بارڈر مینجمنٹ یقینی بنانے کا کہتا رہا ہے۔ توقع ہے عبوری افغان حکومت اپنی ذمہ داریاں پوری کرے گی۔ پاکستان نے افغان عبوری حکومت سے اپنی سرزمین کا دہشت گردی کے لیے استعمال روکنے کا مطالبہ کیا ہے۔

سیکیورٹی فورسز کی عزم

آئی ایس پی آر کا کہنا ہے کہ سیکیورٹی فورسز اپنی سرحد محفوظ بنانے اور دہشت گردی کے خاتمے کے لیے پرعزم ہیں۔